مهرجان الجيزة الأول للأفلام القصيرة بدأجولته الترويجية التانية بعنوان «مصر المستقبل.. بين ثورتين»، دورة المخرج على بدرخان هيكون في قصر ثقافة بنها بداية من يوم الاحد الجاى لحد الخميس اللى جاى.
و من ضمن الافلام اللى هاتتعرض في الجولة «مفاتيح» وده إخراج منصور الشريف، و «بوب كورن» إخراج أحمد صلاح سونى ورمضان صلاح و «إن عاش» إخراج محمود عبدالكافى ده هيكون اول يوم يعنى يوم الاحد الجاى .
واليوم اللى بعده هيتعرض فيلم «شاتنج» إخراج أحمد توفيق، و «ماريونت» إخراج نور السويسى, و «بوكية ورد» إخراج جميلة السيد .
في اليوم التالت هيتعرض فيلم «رغيف العيش والحرية» لطارق الزرقانى، و «مكان واحد» لهدير صديق و اليوم الرابع هيتعرض فيلم «حلوان.. أنا» لمحمد عادل، و «انت ياحمار» لمينا البير .
اما في اليوم الاخير هيتعرض فيلم «اربع حيطان» لريم داوود، و «الغابة» لعادل البدراوى.
وكل العروض دى هتبدأ الساعة 8 بليل و هتنتهى الساعة 10 بليل .
ليست هناك تعليقات :