أول حفلة هتكون الساعة 8 بليل على مسرح المحكى1 هيقدم الفنان فتحى سلامة وفرقته "شرقيات" حفلة من خلال مجموعة من أشهر مؤلفاته الخاصة اللى بتمزج بين الموسيقي الشرقية وموسيقي الروك ، وبعدها هيكون فيه حفلة الساعة 10 بليل لعازف الجيتار أحمد نظمى وفرقته.
و هيغنى الفنان على الحجار على مسرح المحكى2 أمسية من زمن الفن الجميل الساعة 10 بليل ، و من ضمن الاغانى اللى هيغنيها " يا مصري ليه – يا طالع الشجرة - ما تمنعوش الصادقين– هنا القاهرة – المال والبنون – من غير ما تتكلمى – مسألة مبدأ – راح توحشينى – لو تعرفى – على قد ما حبينا - عارفه – بوابة الحلوانى - حرماً يا سيدى - وضحكة المساجين."
وعلى المسرح الكشوف بالاوبرا هتقدم فرقة نجوم الطرب بقيادة المطرب مصطفى أحمد حفلة 8بليل هيكون فيها مجموعة من أشهر أعمال الموسيقى العربية لعمالقة الملحنين منهم محمد عبد الوهاب ، زكريا أحمد ، سيد درويش ، فريد الأطرش ، محمود الشريف ، بليغ حمدى ورياض السنباطى .
ليست هناك تعليقات :