اتوبيس الرحلة العطلان
اسطنبول بتنادى عليا
عايزانى أحضر ف الحال
وانا باعشق طهران بالذات
عشق اللى عن عينى بعيد
شوارعها بتحب الماشى
لمّا الدنيا بتشتى جليد
اتخبيت م المطره ف مطعم
صاحبته واحده لابسه خمار
صحّت فيا الأستعمار
عزمتنى على فودكا ف بيتها
وعرفت ان ابوها شهيد
جه على بالى و انا سكران
متوحد ويا الفيضان
على نيل الخرطوم بالليل
الثابت ف مكانه ذليل
والمسجون بمزاجه جبان
أنا قلبى عامل تراحيل
والباسبور عندى مليان
و الدنيا ترانزيت ف الأصل
وقدرنا شركة طيران
رحلة وعطلت وانا مستنى
اتوبيس الرحلة العطلان
والشنطة وطنى المحمول
واكتاف البالطو المبلول
والجزمه الدايبه شايلانى
شبابيك القطر مسمحانى
وضباط الجوازات عارفنى
وعيون الركاب بتغرّق
والواقفين ع البر موانى ..
واسطنبول؟
اسطنبول بتنادى عليا....
على وول : عمر طاهر
ليست هناك تعليقات :