في مرحلة ما في حياتي كان عندي زميلة عمل كل يوم تيجي زي ما بيقولوا "علي سنجة عشرة" مهتمه جدا بشكلها ولبسها !
كل التفاصيل فيها "صح" .....
كنت اسمع "الزملاء" بيتكلموا عن شكلها ولبسها وازاي هي مهتمة بنفسها وبعدين يبدأوا يبرروا الاناقة دي بأنها اكيد عايزة تلفت اهتمام حد في المكان ويبدأوا في اللوتري مين هو يا تري ونم كتير للصبح !
كانوا اما يقولولي ايه رأيك بدبلوماسية بنسحب واسيب الحوار بعد ما اثني علي اناقتها وذوقها !
----------------------------------------------
هي لابسه حلو كده ازاي ؟
هي ليه مهتمة كده بنفسها ؟
اكيد لابسه كده عشان حد ، تفتكر مين ؟
الخ
--------------------------------------------
احنا عايشين في مجتمع بيسأل الأسئلة السابقة لانه ببساطة شايف ان السبب الوحيد اللي ممكن يخلي واحدة تهتم بشكلها ومظهرها هي انها عايزة تلفت انتباه شخص ما !
ماينفعش مثلا انها تكون شخصية مهتمة بنفسها لنفسها ....
ماينفعش مثلا انها تكون شخصية بتحب اللبس والموضة ....
ماينفعش مثلا انها تكون في اسوأ حالاتها النفسية لابسه حلو عشان مايبقاش من بره وجوه !
ماينفعش اسباب تانيه كتير .....
هو بس ينفع انها تكون لابسه ده لحد ....
لان الستات عايشه بس عشان ترضي "حد" .....
وتلفت انتباه "حد" .....
بس ......
على وول : رحاب هانى
ليست هناك تعليقات :